GIKUYU 114 - 90

1. Jesu ahota magerio Maria agereirio weru-ini Iria-ini ria Galili Niho oimiriire Petero Jesu we ndahitagia Kihingo kiria eyakiire Ona roho ndahitagia Muromo wa ng’ondu ciake   2. Petero ngombo yama Na niwe irigithathi Riria Mwathani ambiriirie Guciara na uhoro wama   3. Mwathani amuria ritwa Petero ni amumenyire Na kirima-ini akimenya Musa na Elija moka   4. Gikuu kiahotwo na ma Ni Jesu oririe Petero Simeoni niunyendete? Riithagia tugondu twakwa”   5. Ucio Petero niwe Watuirwo muira wa wira Niatuirwo muhinguriri Ng’ondu cia Jesu murango.   6. Bururi wa nduriri Jesu akihingura wira Ni Petero watumirwo Nyumba ya Korinelio   7. Menyai nama inyuothe Jehova Ngai na Jesu Ningi na Roho Mutheru Matienda githagathago   8. Muici wothe oinagira Kiugu kia ng’ondu na thutha Tondu aiyuirwo ni Caitani Eririirie kuhurunja.

1. Jehova etire Musa ambate kirima, Akanengerwo watho umite matu-ini Ni Isiraeli meritwo mautungatagire Utuike tawa wao wa kumatongoria.   2. Ngoro ciao ciarega, watho uria maheirwo, Jehova akirakara, akiuga amanine, Musa agithaitha Jehova ciiraniro iria meriirwo, Magithengio hari cio, na irathimo ciothe.   3. Kirikaniro kieru nikianeiruo Joshua Agitongoria ciana, itonye Kaanani Ngoro cia aria maregire, igitigwo weru-ini Igithirira kuo, miaka mirongo ina   4. Mwathani ekwanirira, mugambo munene Aria othe mekuigua ngoro ciao imake Mathikiririe makiigue, gwi cira na matuiro Tondu nimagatuirwo, matonye mwaki-ini

1. Mwathani ni agoka na ngiri ikumi Cia gucirithia aria a guku thi Ena hinya muingi na uthamaki muingi Nduriri ciothe ni ikamuona.   Aria othe matuire guku thi-ino Nimakarira mamuona Hindi iria akoiga hindi ni yathira Ndikwenda maciaro guku thi.   2. Niakoima hekaru na ruhiu rwa igetha Oige niekururutithia wira Oke atue mikahu ya thabibu cia thi Tondu ni irikitie kwirua.   3. Mundu mwihokeku nake etagwo wa ma Niagoka ari na indo cia mbara Oke aturihirie thakame iria Yaitirwo ni ciana cia nduira.   4. Aria maregire thumbi ya muoyo Makiuga mekwenda ya mwiri Guku thi guothe mena ikeno nyingi Tondu ni makinyire kwao.   5. Aria maregire thumbi ya mwiri Makiuga mekwenda ya iguru Guku thi guothe marionaga thina Tondu moigire turi agendi.

1. Roho wa Danieli ni uira wa ma Wagutumburira giti gia ciira Kiria Jehova agacira aikariire Gigatheruka mwaki tari githima   2. Mutumwo wa Jehova mwihokeku Na ndathaithikaga kana ahorerio Na ndendaga giko endaga undu wa ma Ni mwaki tondu guo nduoyaga ihaki   3. Caitani arikia kurakaria Ngai Ni mwaki werirwo ukamuherithia Tondu nduri tha ningi nduri itheru Uhingagia ta uria Ngai awathite   4. Njira iria ya mugunda wa Edeni Jehova niamihingite na mwaki Nikumenya ni wa ma ndungihenio Ni Adamu o na kana mucukani   5. Ndungata cia uthamaki wa iguru Gutiri ndungata theru ta mwaki Watumirwo Sodomu na Gomora Ukiruta wira utari na mathangania   6. Roho ahanaine na mwaki ugwakana Niaharurukire Jerusalemu Agiikarira mitwe ya atumwo othe Agayukanite akahaana ruririmbi   7. Mariitwa ma atumwo acio nimo maya Petero na Jakubu na Johana Mari na Andarea na Filipu Toma ningi Barithoromayo   8. Mathayo na Jakubu wa Alufayo Ona Simioni Zelote na Juda Na Mathia uria atumw...

 1. Gwatia matawa manyu Tondu nduma ni iguka, Nduma nene kundu guothe Matawa ni magwatio.   Gwatiai matawa manyu, Muri na wendo munene, Mwathani eha-kuhi guka. Matawa ni magwatio.   2. Andu ngiri nyingi riu, Maikaire makomete, Ithui na ithui twihokete. Ati no egucoka.   3. Ciugo ciake nicio tawa, Na tutikahitihio. Ona mogwati angiuka. Ndagaturekereria.   4. Ciiko na witikio nicio Cia gutoria thu citu Twathika no turathimwo Twaga kugia na nganja.

1.  Uria wina matu niague Na ngoro iria ihetwo umenyo Mucukani uugi wake Uciaraga gikuu na ruo Na kieha, na maithori na kirumi Na gutuura ukayaga Na uhagaranagia magego Muthenya na utuku, Mwaki-ini wa tene na tene   2. Caitani ni akorire Hawa Ona Adamu akimera Marege watho wa Jehova Magie uugi mahane Ngai Mamenyage wega, ona makamenya uuru Jehova akimetia uthingu Magitigwo njaga mari eri Mendaga magie uugi, Ngai akimaconorithia   3. Kaini igongona riake Riathuka Ngai akirirega Oragire muru wa nyina Habiri na ruhiu ni uiru Ngai akimwandika, Githithi giake kirumi Tondu we ni muragani Macio ni maciaro ma uiru Ma Caitani kiumbe, Tondu we aciaraga mutino.   4. Ona Esau niomire Githaka-ini ahutii muno Agikurania urigithathi Na irio nyinyi cia rwiga rumwe Ndagakue hindi iyo, Akiona ari muugi muno Gwakinya hindi ya irathimo Aririre maithori, Ma ruo ruumu ngoro thi-ini   5. Dathani na Kora moigire Ti irimu makurwo maitho Ni Musa na muru wa nyina Mameririo ni thi me muoyo...

1. Ni Ngai waheire Mwana wake Nguo ya giathi-ini gia uthamaki Tondu niethurire niguo athambie Jakobu Na akiuga nduriri itonye mucii.   2. Niaturiirio maru ni Araika Hindi iria ahotire hinya wa thi Na akiuga niagocwo ni aria me rungu Rwa thi na aria me iria-ini riria inene   3. Nduriri niigwitwo kirima-ini Kiigiriirwo ihiga rina muoyo Nakio ni githeru Roho niwe kirima Kinene gukira irima ciothe   4. Kirima-ini kiu he na rwimbo Rwa Musa ndungata ya Jehova Na rwa Gaturume makainirwo me hamwe Na aria methambite na mathani   5. Nimakagomana hari Ngai Ciana cia Anabii na cia Atumwo Na ciana cia Roho megoce na Mathani Musa e thiini wao Jesu e mbere   6. Magakunjurirwo hema njeru Yambwo iguru riao ni Jehova Tondu agakenera wira wa Mwana wake Na aria oru mateo gwa Caitani.

1. Nii ningwiyuria ndi guku thi ino Jesu agiuka hihi nii ningakorwo ho? Wega wa Mwathani unyingihiire Hinya na ucamba na umiriru? Matiendaga Jesu Mekiriire nda ciao ta ari Ngai.   2. Kihuruko kiega kiri matu-ini Thi ino ndiri mwago kana uhuruko Turi a kunyarirwo ni athamaki a thi Tuteithie Mwathani tumagiririe.   3. Turi a kunyarirwo guku thi guothe O nginya cikaro ciitu inyarirwo Nayo miiri iitu inyarirwo muno Mutigetigire oragi a mwiri   4. Anabii atheru nimarathire Na gutiri kiugo gitagakinya Gaturume oigire hatiri kairia Kandike watho-ini gatagakinya   5. Roho niokire thi oimite iguru Jesu amutumire athambie nduriri Riu atuire guku anyaririkaga Niakambata iguru giikaro giake   6. Roho acuthiriirio ni Araika Ona agacuthiririo ni Jehova Jesu no kiriro e githinjiro-ini Uui-Roho wakwa ari ugwati-ini!”   7. Jesu agaikuruka na itu ria mbura Riiyurite mwaki wa marakara Nduriri ciothe thi ino norio ikoiga Ucio ni Mwathani ndoyaga ihaki.

1. Jesu arikia kwambwo Atumwo ikumi na eri Hatiri watithirie kana acoke na thutha   Momiriirie muno marute andu Njira ya muoyo ni mutharaba   2. Petero ambirwo ainii ni muthamaki Nelo Paulo muira wa ma akirengwo mutwe   3. Andarea ohirwo na minyororo ina Moko na maguru muti iguru agikua   4. Jakubu wa Zebedi arengithirio mutwe Na ruhiu rwa njora ni munene Herode   5. Johana wa Zebedi arugirwo na nyungu Na akuiriire Efeso akiugaga endanai   6. Filipu ambirwo e muoyo mutharaba iguru Bururi ucio ambiirwo ukienyenya wothe   7. Baritholomayo Ahurirwo na miti Na agithinjwo e muoyo akirengwo mutwe   8. Toma gukua gwake athecirwo na itimu Na akirathuo na migui akiuragwo na mahiga   9. Mathayo akorirwo ni thigari agithoma Watho wa igongona akiuragwo na itimu   10. Jakubu wa Alufayo ahurirwo na mahiga Arega gukua narua agithecwo mutwe   11. Juda arengirwo mutwe wake na ithanua Simoni Zelote agiaturwo na thoo   12. Mathia ahurirwo na mahi...

1. Arutwo a Jesu magomanite Mithenya iiri metereire Murutwo umwe wao wathiite Ni getha oke maranirie   Uka murata murata uka Twaranirie riu Turi na kieha ni undu wa ciana Bururi witu uthire nduma.   2. Arutwo aria angi makira Toma Nituonete Mwathani witu Toma akimera ndingitikia Itonete irema mbaru ciake   3. Mwathani oka akira Toma Rora hi ciakwa mbaru ciakwa Ni getha utuike wa gwitikia Nigetha utige mathangania.   4. Toma akimwira Mwathani wakwa Munene wakwa Ngai wakwa Riu nindaigua riu nindona Uhoro waku nindetikia   5. Jesu akimwira riu wetikia No undu wona mbaru ciakwa Gukena ni aria magetikagia Uhoro wakwa matonete.

1. Muriithi Mutheru Jesu niacirithirio Ni Afarisai Na Andiki-marua Othe mamurigiciirie   2. Mathiire ndundu mecirie Mamutege akiaria Niguo mamucambie  Jesu akimahoota  Na uthingu na uhoro wa ma   3. Makiruo maikaragira o giti kia Musa Makoha mirigo magakuithia andu Na matingioya na kiara   4. Muru wa Ngai nioimburire mehia ma hinga icio Tondu andu Mangiaririe uhoro ucio No maingatwo thunagogi   5. Matiacukirwo ni Jesu meho amerire Ati makeeraga, rumuru magate Ngamira makamimeria   6. Makiumburirwo ni Jesu matheragia ikombe Na thani Iguru Na thiini gwi giko kia uici na utunyani   7. Magiturwo Jesu amera , mahana mbirira Thike mundu mukuu Ikagemio iguru na thiini iiyuire igunyu   8. Jehova agetia thakame, ya andu othe athingu Kuuma ya Habiri na ya Anabii othe Ona iria ya Zakaria.

1. Ningumaka muno ngoro, ningumaka Tondu wa maundu maria Jesu oigire   Mwirire, Mwirirei, Tondu Jesu ari hakuhi Haleluya   2. Nimukona mwiki nai arugamite. Handu haria hatagiriire nimugeciria   3. Ni mukona minyamaro itari yonwo Ona riu nimikinyu ni ngumaka.   4. Mugathuruo ni andu othe na mucirithio Nake Roho niakamuonia uria mukoiga.

1. Mwathani aranjiirite Akienda thii ngahuruke Ndirakorwo itehariirie Niundu wa irema cia ngoro   Uui - uui ngugika atia? Ati riu nindatigwo Na ni nii uria weiraga Ati ninii ngatongoria   2. Ndeiraga ni tunini Ati ta tutu ndoragia Riu nama nituo tutu Twanjerekeria mwaki-ini   3. Ndoi wi murata wakwa Ndamenya thina ndanona Ngigerekania na Jesu Na riu ndathie kwa ngoma   4. Ni maitu kana ni baba Kana ni murata wakwa Nguthii nake akamuthaithe Etikire kunjiyukia?   5. Niguo nama niwihitie Noriu wicokie ndundu Wi hamwe na ngoro yaku Wiyurie niki giatuma   6. Ndatigwo atia ta muthini? Ndamenya utungati wakwa Kuuma riria wanjitire Ndiri ndacoka na thutha.   7. Nduire ndiimite ikeno Cia guku thi hindi ndaya Njetereire cia matu-ini Na riu ciahutatira.   8. Riu nu ugukinjoya  Andware akanjikie irima?  Tuuco twakwa twamenyeka  Riu nirio igai riakwa.

1.  Kihingo nigikahinguruo Ng’ondu cia Jesu itonye thiini Guoko-ini kwa urio kwa Mwathani.   Gukena ni aria matigire, Gutega nyamu cia ruui-ini, Magituika ategi a andu.   2. Roho Mutheru niekwambata, Mundu ukwenda kumuhikira, Nioke anyue mai ma muoyo.   3. Aingi ni aria makariraga, Uui-uui nii Mwathani, Ndiri ndariganirwo niwe.   4. Nake Ngai akamacokeria, Thiii thiii ndikumumenya, Ciana cia nduira muri arume.   5. Athomi mwanatung’athithia, Nikunyua njohi mwihithite Mukiugaga mutikumenyuo.   6. Athomi ni inyui mwina haro, Ni mwihitwa uria mwehitire, Mukiuga mutigathomoka.

1. Muthenya umwe nimwega atia Ndi njira-ini ya Ngai? Kuri mithenya ngiri Nduire ndi na waganu?   Mwathani ndaguthaitha Hitha ithagu-ini riaku. Ciiriro ciaku ikigaywo Niukandirikana.   2. Njira yaku ngamiona atia Na ndimukia Mwathani. Utonga wakwa ndunginginyia Kuria uturaga.   3. Ndikenagio ni utonga Na kuhakwo na mburi. Menyerera mathani makwa Na niukanyona.   4. Mwana wakwa rora wone Ni rugendo uturaga. Ndukeriririe utonga Wa thi ndungikuigana.   5. Ndukeriririe utonga wa thi Uriganiruo ni Ngai, Wiriririe utonga wa iguru Ugatura naguo.   6. Rora ibuku wone Nuhu atuire amahunjagiria, Tondu wa uremi wao Makininwo na gikuu.

1. Nduire nyendetwo ndi guku thi ino Na ndiri ndona wega wayo Jesu athuriruo ni kirindi, Na aciari ake.   Uui-iiya -uui-iiya-ii. Niundu wa minyamaro, Uria ukwirira nierire narua Ihinda ni ithiru.   2. Mbakuri mugwanja cionoranirio, Niguo thi kuraganwo Araika mugwanja mekuhuha coro Ihinda ni ithiru.   3. Gatembe kangi nikamethuriruo, Niguo ngigi ciume thi, Uria utetikitie ario nicio Mieri itano.   4. Andu a Mwathani anirirai, Maundu macio mothe, Na uria ukwirira mwamukirei Na mumuonie njira.   5. Maruri magoka ma kwa ngoma, Magana matandatu Na uria ugwikiruo ni wa kwa ngoma Niokire athii.   6. Uui-iiya — uui-iiya-ii Niundu wa minyamaro. Kuragwo na thina na kwohwo kaingi Nu ukomiriria   7. Ni acio mekuina makianagirira? Murimo uria wa ruui? Makiinira Musa na Gaturume Mutongoria witu.

1. Muthiro wa thi ni mukinyu Wa kunyarirwo kwa aria atheru, Mambate mucii wa matu-ini.   Mathina mothe ma guku thi. Na mbaara iria ciothe muonaga. Na ma cierekeire guthira.   2. Hindi ino niyo ya kugaya, Uthamaki wa Gaturume. Giti-ini kia Ngai kia unene.   3. Roho mutheru niaratwira, Tuiyurwo ni gukiririria Turi wira-ini wa Mwathani   4. Caitani riu ni muohore, Akarutwo irima ria nduma. Niguo ahitithie aria atheru.   5. Ngai muigua tha na mwendani Igua gukaya kwa ndungata Thi-ino yothe no ta weru-ini.   6. Hindi ni ginyu munyarirwo  Muitwo thakame ta Mwathani. Ritwa ria Ngai rigocithio.   7. Ngwaria Baba itari na itheru. Ngikwira wira ni muthiru, Hingura murango wa atheru.

1. Ona ndona thina riu ndi guku thi Gutiri hingo nari ingitigira Rugendo rwakwa ndorete iguru.   2. Rugendo-ini rwakwa rwa guthii iguru. Giikaro kiega ngaturania nake Jesu anyonagia njira ya muoyo.   3. Ngatura muoyo ndakinya iguru Riri ni ihinda riakwa ria rugendo Nii ninjui wega ni ngahuruka.   4. Muturia muoyo undongorie, Na tondu nowe wanyonirie njira. Ya giikaro kiega ngatoranagia.   5. Mukwiruo inyuothe ukai mwitikie Muthenya wake wa kuhinga wira Na njira ya muoyo riu niguo turi   6. Ciana cia muoyo mwimenyererei, Morutani maingi ma kuhitithia njira Na ikeno cia thi-ino mwimenyagirire   7. Kirindi gia guku thi hingurai, Riu ni ihinda ria kumenya njira, Ya guthii muoyo-ini tigai kurega.   8. Giikaro kiega ningaikara, Ndakinya iguru ngaturanie nake, Jesu niwe njira na nowe muoyo.

1. Nduriri-ini ciothe, Jesu niekuria Uria uhetwo uugi, na Roho wa ma Wa gwakira ngoro, ciothe gitina Kiria ki na hinya, gitangienyenyeka?   2. Ngai nioimiriire, Iburahimu Akimwira nioime, bururi wao Roho wa wendani, na uthingu wa ma Na uhoreri muingi, ciatuire nake   3. Ciana cia Jakubu, ni undu wa uiru Mendirie Jusufu, kwa Firauni Nake niehumbite, ciiko cia uthingu Jehova agituika, Muriithi wake.   4. Gaturume riria, oimire iguru Niokire kurima, mugunda wa Ithe Niarutire wira, wothe uria eriirwo Na akihingia uira, wa Anabii othe   5. Ciira wa kihoto, niwe ugacira, Aikariire giti, giake gia uthingu Acirithie aria akuu, na aria me muoyo Mundu o mundu atuirwo, na ciiko ciake.

1. Kiambiriria gia gutuonia, Guthaithana ni kwa ma, Ni Nuhu riria athaithire Jehova aumwitikirie. Ahonokie mioyo ya andu Na nyoni cia riera-ini.   Guthaithana nikuo kwa ma, Elisha niathaithire Elija riria ambataga, Akimutigira nguo.   2. Ithe witu Iburahimu, Niathaithire Araika Moka gucina Sodomu, Mena kieha ngoro-ini Loti akimagia muno, Nake akiruo ni oime kuo.   3. Mikaeri niathaithire, Jehova e kuria iguru Ngoma akirutiruo mbara Kinya akiharurukio.   4. Nake Jona niathaithire Jehova e nda ya nyamu, Jehova akiira nyamu iyo Ikamurekie Nineve.   5. Guthaithana kwa Daniel, Nikwagerire ngero. Gugituma muthamaki, Oige andu acio moragwo.   6. Nake Jakubu athaithire, Muraika e njira-ini. Niundu wa kumugia muno, Akimutua Israeli.   7. Nake Musa athaithaniire, Andu moime Misiri. Firauni akinyarirwo, Ni Ngai arega nao.   8. Na inyui mungithaitha Roho Mutari na uhinga ngoro. Nake niakamwaririria Kuri Jesu na Ngai.

1. Kuuma ukombo-ini Ndithiaga o muthenya, Nginya ngakinya Kanani Iria nderiirwo. Kuuma ukombo-ini Ningakinya gikeno-ini Ninguthii Kanani, Kanani iria ya ma.   Ndithiaga o muthenya, Nginya ngakinya kanani, Kanani iria nderiirwo. Nyine na gikeno, Jesu ndimuhingurire, Ninguthii Kanani, Kanani iria ya ma..   2. Kuuma Misiri Ndagereire kundu kuri nduma Cianda, Nyanjara na iria Ndingiigua minoga Jesu niwe hinya wakwa Niguthii Kanani, Kanani iria ya ma.   3. Kuuma ukombo-ini Ndithiaga o muthenya. Nginya ngakinya Kanani Iria nderiiruo Nyine na gikeno Jesu ndimuhingurire Niguthii Kanani, Kanani iria ya ma   4. Ndakinya na thayu Ni ngaheo indo ciothe Ni Jesu iria nderiiruo Na ngaina na gikeno Ngikumagia Jesu witu Niguthii Kanani, Kanani iria ya ma   5. Inyui ahonoku Rungiririai rugendo Tukinye Kanani Iria tweriirwo Matuku mathira Tugakoruo tukinyite. Ni tuthii Kanani, Kanani iria ya ma.

1. Jehova arikia kumba thi, Ona indo ciothe ni ombire Adamu na akiumba Hawa, Eri mahoreranagie. Ngai na Jesu na Roho Maturaga mendanite Maiyuirwo ni uhoro wa ma Gutiri ucambagia uria ungi   2. Adamu na Hawa eri, Mahika kwiyonia njira Makiigua watho wa ngoma, Ngai niamatiganiirie   3. Athuri othe a kanitha, Mwehitanira he Ngai Turagai mwendanite, Kinya muthenya wa gukua   4. Athuri na atumia, Mwehitanira he Ngai Turagai mwendanite, Nginya muthenya wa gukua   5. Iguai anake na airitu, Ona tukenge mwarikia Guciarwo ni kigongona, Turagai mwendanite   6. Uyu ni watho wa Ngai, Jesu niwe muira wa guo Waheirwo andu aria atheru Mature makiririirie   7. Jesu ahe atumwo watho ucio, Maturire me ngoro imwe Tondu othe ni meniniire, Ugi uria wa muciarire.   8. Aria maregaga Ngai, Makehia mathani make Magatongorio ni mwiri, Metagwo thu ni Jehova   9. Ndamuthaithira andu acio, Mutikamathikiririe Tondu mekumwira mwihie, Mathani muikare tao.

1. Jesu erire atumwo ikumi na umwe Ngumuhe riathani riakwa rieru Ni inyui arata akwa Mweka uria ndimwathite Naguo watho wakwa no mwendane.   2. Mungiri a guku thi no mamwende Tondu andu mendaga kindu kiao.   3. Merirwo endanagai inyui ene Andu othe mamenye muri andu akwa.   4. Andu a guku thi ma muthura Ninii mathurire mbere yanyu.   5. Uria wenda Ngai ni aturagwo Mathani ma Ngai riria mehio.   6. Thu cia mutharaba wa Jehova Mathani moinangwo no gukena.

1. Thi ino ni kwihitukira Ndiri na uturo guku Mucii witu ni matu-ini Kuria Mwathani athire   Ni nguka. Ni nguka. Ni nguka. Mwathani wakwa Ni nguka. Ni nguka Thi ino ndiri na uturo wakwa   2. Thi ino ni kwihitukira Ndiri na uturo guku, Petero ni ehitukiire Ona Mutumwo Paul.   3. Utonga ndungihota Kunginyia kuria uturaga No thakame yahota Ya muhonokia Jesu.   4. Paul akirengwo mutwe, Petero akiambwo muti-ini Ni kuonania mari ageni,  Na agendi guku thi.   5. Arata no mandige, No mwathani ndangindiga Tondu ni mericukagwo, No Jesu ndericukagwo.

1. Caitani nioi kuhota Andu aria magite witikio Nikio Jesu ni erutire. Ni getha oke arihe thiiri.   Ukai, inyui othe muri ete, Ukai. Muigue uhoro mwega. Ni Jesu waitirwo thakame, Ni getha oke arihe thiiri.   2. Hikirai Jesu mukuri, Egutwita Jesu mukuri. Thakame yake Jesu noyo. Igihota gutuhonokia.   3. Thu itu niyo Caitani. Yendete ma gutuhitithia. Nikio Jesu ni erutire. Nigetha oke arihe thiri.